خبرونه او ګزارشونه

د الفلاح العالمی شرکت له لوري د صفوان سمنټو فابریکې د پنځو اساسي ودانیو د کانکریټ اچونې چارې بشپړې شوې او د پاتې فلزي جوړښتونو د کارونو د بشپړولو په موخه په رسمي ډول د چین هېواد سینوما هیفي شرکت ته وسپارل شوې. په همدې مناسبت د صفوان سمنټو فابریکې په ساحه کې جوړو شویو مراسمو کې د الفلاح العالمی شرکت رئیس صفي الله صابر، په افغانستان کې د سینوما هیفي شرکت رئیس میانزین بلشین او د دواړو شرکتونو تخنیکي مسؤلینو ګډون کړی و. ګډونوالو د فابریکې د ساختماني چارو پرمختګ یو ارزښتناک او حیاتي ګام وباله.

د پروان ولایت د جبل السراج ولسوالۍ کې د صفوان سمنټو د جوړېدونکې فابریکې په ساحه کې د یوه جومات د بنسټ ډبره د الفلاح العالمی شرکت د رئیس صفي الله صابر او د دغه شرکت د اړوندو څانګو د مسؤلینو په حضور کې کېښودل شوه.

د پروان او کاپیسا ولایتونو علماوو، مشرانو او بانفوذه شخصیتونو د صفوان سمنټو د تولید فابریکې ته د خپل حضور پر مهال، د الفلاح العالمي شرکت رئیس محترم صفي الله صابر ته د ستاینلیک په ډالۍ کولو سره د نوموړي د هڅو او خدمتونو ستاینه وکړه. په همدې مناسبت د صفوان سمنټو د تولید فابریکې د غونډو په تالار کې ځانګړې غونډه جوړه شوې وه. په پیل کې د الفلاح العالمي شرکت رئیس صفي الله صابر د یادو ولایتونو د مشرانو له تود او صمیمي حضور څخه مننه وکړه او د فابریکې د کاري بهیر د وروستیو پرمختګونو او د دې فابریکې د جوړولو د موخو په اړه یې هغوی ته معلومات وړاندې کړل.

دغه هوکړه‌لیک د الفلاح العالمي شرکت د مالي او اداري مرستیال ډاکټر رحیم‌الله صافي او په کابل کې د الحیات روغتون د رئیس ډاکټر سید حبیب‌الله حازم له خوا لاسلیک شو. د غونډې په پیل کې د الفلاح العالمي شرکت د مالي او اداري مرستیال له لوري د پروان ولایت د جبل‌السراج ولسوالۍ کې د صفوان سمنټو د تولیدي فابریکې د جوړولو په اړه د شرکت موخې او پلانونه د الحیات روغتون رئیس او اړوندو مسئولینو ته تشریح شول. د روغتون رئیس او مسئولینو د دغې پروژې هرکلی وکړ او دا پروژه یې د سمنټو په برخه کې د افغانستان د ځان‌بساینې لپاره یو مهم او حیاتي ګام وباله.

د افغانستان اسلامي امارت د کانونو او پټرولیم محترم وزیر ملا هدایت‌الله بدري او د مالیې محترم وزیر حاجي ملا محمد ناصر د پروان ولایت د جبل‌السراج ولسوالۍ ته د خپل سفر پر مهال، د صفوان د سمنټو د تولیدي فابریکې د کارونو او د تاسیساتو د جوړولو له بهیر څخه لیدنه وکړه. دغه فابریکه د الفلاح العالمي شرکت له خوا جوړېږي. په دغه لیدنه کې د عوفي بهرام شرکت رئیس حاجي پهلوان بهرام خان او د الفلاح العالمي شرکت رئیس صفي‌الله صابر د کانونو او مالیې له محترمو وزیرانو او د هغوی له مل پلاوي څخه تود هرکلی وکړ. هغوی د فابریکې د تاسیساتو د جوړولو له بهیر څخه لیدنه وکړه او د ترسره شویو کارونو پرمختګ یې د قناعت وړ وباله.

دا څرګندونې د افغانستان د صنعت او سوداګرۍ وزارت محترم وزیر نورالدین عزیزي د پروان ولایت د جبل‌السراج ولسوالۍ په صفوان د سمنټو د تولید له فابریکې څخه د لیدنې پر مهال وکړې. محترم نورالدین عزیزي په دغه سفر کې د الفلاح العالمي شرکت مشرتابه او تخنیکي ټیمونو ملتیا کوله. نوموړي د صفوان د سمنټو د تولید فابریکې د کار لاندې ساحو له بېلابېلو برخو څخه لیدنه وکړه او د صفوان د سمنټو فابریکې جوړول او احداث یې د سمنټو په برخه کې د افغانستان د ځان‌بساینې لپاره یو ارزښتناک ګام وباله. د صنعت او سوداګرۍ وزیر په فابریکه کې د کار له سرعت او کیفیت څخه خوښي څرګنده کړه او ژمنه یې وکړه چې د افغانستان اسلامي امارت په بېلابېلو برخو کې له خصوصي سکتور او پانګه‌والو سره همکارۍ ته چمتو دی.

د کانونو او پټرولیم وزیر ملا هدایت الله بدري پروان ولایت ته د خپل سفر په ترڅ کې، د صفوان سمنټو تولیدي فابریکې له هغو برخو څخه لیدنه او څارنه وکړه چې دا مهال د الفلاح العالمی شرکت لخوا د رغولو په حال کې دي. د دې لیدنې موخه د کار د بهیر هر اړخیزه څارنه، د کانونو د استخراج او د سمنټو د تولید په برخو کې د تخنیکي معیارونو پلي کول وو، چې د الفلاح العالمی شرکت د صفوان سمنټو تولیدي فابریکې د جوړولو په پروسه کې ټول منل شوي معاصر معیارونه په پام کې نیولي دي.

د افغان نړیوال اسلامي پوهنتون د ماسټرۍ او دوکتورا شاوخوا ۳۰ تنو محصلینو د پروان ولایت د جبل السراج ولسوالۍ په سیمه کې د صفوان سمنټو تولیدي فابریکې د جوړېدو روانو چارو او بنسټیزو تاسیساتو څخه لیدنه وکړه. د لیدنې په پیل کې د الفلاح العالمي شرکت د تخنیکي برخو مسؤولینو د پروژې د روانو فعالیتونو، د عملي کارونو د پرمختګ او راتلونکو پلانونو په اړه ګډونوالو ته هر اړخیز معلومات وړاندې کړل. وروسته محصلینو د فابریکې د ساختماني چارو بهیر له نږدې وکوت او د بېلابېلو برخو عملي پرمختګ یې وارزاوه.

د ریاست‌الوزراء اقتصادي مرستیال، محترم ملا عبدالغني برادر اخوند، پرون (جمعه) د پروان ولایت د جبل السراج ولسوالۍ په سیمه کې د “صفوان” سمنټو تولیدي فابریکې څخه لیدنه وکړه. په دې لیدنه کې د کانونو او پټرولیم وزیر ملا هدایت الله بدري، د پروان والي عزیزالرحمن منصور، د الفلاح العالمي شرکت رئیس صفي الله صابر، او د عوفي بهرام شرکت رئیس حاجي پهلوان هم ګډون درلود. پلاوي د فابریکې د جوړېدو روان بهیر، ساختماني چارې او د کانونو د اکتشافي ساحو فعالیتونه له نږدې وکتل.

د الفلاح العالمي شرکت مشرتابه او کارکوونکي د نېکمرغه لوی اختر د رارسېدو له امله د افغانستان مسلمان او مېړني ملت او همدا راز ټول اسلامي امت ته د زړه له کومې مبارکي او نېکې هیلې وړاندې کوي، او د لوی خدای له درباره څخه د افغانستان د خلکو لپاره له خوښیو، مینې او محبت څخه ډک اختر غواړي.

د الفلاح العالمي شرکت کې د کوچني اختر (عید سعید فطر) په مناسبت د مشرتابه او کارکوونکو په ګډون یوه غونډه ترسره شوه. په دې مراسمو کې د نوي کاري پړاو پر پیل، د کارکوونکو پر ژمنتیا او لا زیاتو هڅو، او د هېواد په ځان‌بسیاینې کې د شرکت پر رول ټینګار وشو. د الفلاح العالمی شرکت رئیس، صفی‌الله صابر، د اکتشاف په برخه کې د مهمو لاسته راوړنو یادونه وکړه او د دې پړاو د بریالي بشپړېدو او د کانونو او پټرولیم وزارت له لوري د لومړي مقام د ترلاسه کولو خبر ورکړ. هغه همدارنګه د سمنټو د تولید پر اړتیا او د صنعت د پراختیا راتلونکو پلانونو ته اشاره وکړه.

د روژې مبارکې میاشتې د افطار مراسم د الفلاح العالمی شرکت د رئیس صفی‌الله صابر، د شرکت د مرستیال ډاکټر رحیم‌الله صافي، د سینوماهیفي کمپنۍ استازي او د انجنیرانو، کارکوونکو او کارګرانو په ګډون، د پروان ولایت د جبل‌السراج ولسوالۍ د تپه‌سرخ په سیمه کې د یاد شرکت په ساحوي دفتر کې ترسره شول. په دې مراسمو کې د الفلاح العالمی شرکت رئیس د تخنیکي او اداري ټیمونو له هڅو مننه وکړه او د اته میاشتو په موده کې د اکتشاف مرحلې د بریالۍ بشپړېدو او د کانونو او پترولیم وزارت له لوري د هغې د تأیید یادونه وکړه. هغه همدارنګه د سینوما هیفي کمپنۍ سره د صفوان سمنټو فابریکې د جوړولو د قرارداد د لاسلیک خبر ورکړ او دا یې د شرکت د فعالیتونو په پرمختګ کې یو مهم ګام وباله.

د الفلاح‌العالمي شرکت رئیس، صفي‌الله صابر، د پروان ولایت له والي الحاج شیخ عزیزالرحمن منصور سره په لیدنه کې د جبل‌السراج ولسوالۍ د تپه‌ سرخ په سیمه کې د نوې سمنټو د تولید فابریکې د جوړولو، پانګونې او اسانتیاوو د بهیر په اړه خبرې وکړې. د پروان والي دغه پروژه د ولایت په کچه له مهمو او حیاتي اقتصادي طرحو څخه وبلله او د چارو د لا چټک او دقیق پرمخ وړلو باندې یې ټینګار وکړ. یاده فابریکه به د شاوخوا ۲۲۰ میلیونه ډالرو په لګښت په څه باندې ۶۰۰ جریبه ځمکه کې جوړه شي، چې د تولید ورځنی ظرفیت به یې 3000 زره تر 9000 ټنه سمنټ وي. تمه کېږي چې د دې فابریکې له فعالېدو سره به په مستقیم او غیرمستقیم ډول شاوخوا ۵۰۰۰ کسانو ته د کار زمینه برابره شي.

محترم وزیر صاحب د خپل سفر پرمهال په کور دننه د افغاني جیولوجستانو له خوا د کانونو او د سمنټو د خامو موادو ترسره شوې اکتشافي چارې وستایلې او ویې ویل چې د صنعتي فابریکو د جوړولو لپاره د معدني زېرمو تثبیت د کانونو له اکتشاف پرته ناشونی دی.

دغه امتحان چې د ټاکل شوې کمیټې او د بشري سرچینو د دیپارتمنت په حضور کې ترسره شو، د سروي، ډیزاین او انجنیري په برخو کې له پنځلسو تنو انجنیرانو څخه په بشپړه شفافه فضا کې اخیستل شوی دی.

مفتی محمد ادریس انوری، د پروان ولایت والي، د الفلاح العالمی شرکت له هغو کاری ساحو څخه لیدنه وکړه چې د کانونو د اکتشاف، سړک جوړونې او د سمنټو د موادو د تجزیې لابراتوار په برخو کې فعالیت لري. نوموړي د دې شرکت له مشرتابه او تخنیکي ډلې سره د نظریاتو او معلوماتو تبادله وکړه. په پیل کې، د الفلاح العالمی شرکت مرستیال دوکتور رحیم‌الله صافي، د شرکت د بېلابېلو کاری برخو د فعالیتونو او لاسته راوړنو په اړه د پروان ولایت مقام ته معلومات وړاندې کړل، او ډاډ یې ورکړ چې اړوند کارونه د صنعتي فابریکو د منل شوو نورمونو او معیارونو سره سم پر مخ روان دي.

دا څرګندونه آذرخش حافظي، چې پخوا د ایکو سازمان د غړو هېوادونو او د افغانستان د سوداګرۍ او صنایعو د خونو عمومي رئیس و، د الفلاح العالمی شرکت له رئیس صفی‌الله صابر سره د لیدنې پر مهال وکړه.

د الفلاح العالمی شرکت مشرتابه او کارکوونکي د لوی اختر د رارسېدو په مناسبت د افغانستان مؤمن ولس او د ټولې اسلامي نړۍ مسلمانانو ته مبارکي او نېکې هیلې وړاندې کوي.

صفی‌الله صابر د الفلاح العالمی شرکت رئیس او ورسره تخنیکي هیئت د «سینوما هیفي» شرکت د صنعتي فابریکو د تولیدي وسایلو له دائمي نندارتون څخه چې د هیفي ښار په څنډه کې د دې شرکت په مرکزي دفتر کې جوړ شوی لیدنه وکړه. په دې لیدنه کې د «سینوما هیفي» ګومارل شوي تخنیکي ټیم د خپل شرکت د صنعتي فابریکو د جوړولو په برخه کې د رول او اهمیت په اړه لازم معلومات وړاندې کړل او خپلې تجربې یې د الفلاح العالمی د شرکت له مشرتابه او تخنیکي ټیم سره شریکې کړې.

صفی‌الله صابر د الفلاح العالمی شرکت اجرائیوي رئیس چین ته د خپل سفر په ترڅ کې د "سوفت هیفي" د سمنټو د تولیدي فابریکې د کار بهیر له نږدې وکوت، چې دا فابریکه په تېرو دوو کلونو کې د "سینوما هیفي" شرکت له‌خوا جوړه شوې ده. په دې لیدنه کې، چې د سینوما هیفي شرکت تخنیکي ټیم د الفلاح العالمی شرکت مشرتابه ملتیا کوله، د فابریکې له بېلابېلو برخو څخه کتنه وشوه. د شرکت رئیس او ورسره پلاوي د سمنټو د تولید بهیر، د فابریکې شنې ساحې، د فابریکې د تنظیم مرکز، د کارتن جوړونې او بسته بندۍ له څانګو څخه لیدنه وکړه او د دې فابریکې د فعالیت طریقه یې وستایله.